Latihan Soal Bahasa Bali

Soal:1) Daging pikayun sanè kawedar ring sang sareng akèh sanè matetujon mangda napi luir sanè kabaosang prasida karesepang tur sida kalaksanayang ring kahuripan maparjana, punika pengertian ...

A: Dharma Wacana

B: Pidarta

C: Dharma tula

D: Widya tula

E: Saur pitakèn 

Kunci: B

Soal:2) Tata cara mapidarta kakepah dados ...

A: 2

B: 5

C: 6

D: 3

E: 4

Kunci: D

Soal:3) Mapidarta ring patemon resmi antuk ngwacèn naskah pidarta sanè sampun kasiagayang, kawastanin mapidarta ....

A: Pidarta ngwacèn naskah

B: Pidarta dadakan 

C: Pidarta tutur

D: Pidarta ardatutur

E: Pidarta semi lisan 

Kunci: A

Soal:4) Wangun pidarta kakepah dados ...

A: 2

B: 3

C: 5

D: 7

E: 4

Kunci: E

Soal:5) Sajeroning nyurat pidarta patut madaging ...

A: Murdhan pidarta, purwaka, daging pidarta,pamuput

B: Murdhan pidarta, daging pidarta, purwaka, pamuput

C: Murdhan pidarta, pidarta, daging pidarta, pamuput

D: Murdhan pidarta, tema pidarta, daging pidarta, pamuput pidarta

E: Tema pidarta, murdhan pidarta, daging, pamuput pidarta

Kunci: A

Soal:6) Ngewedar daging pikayun indik ajahan agama saha kajangkepin antuk nlatarang tatwa-tatwa manut cakepan sanè pastika, kawastanin ...

A: Pidarta

B: Widia tula

C: Dharma wacana

D: Saur pitakèn

E: Sambrama wacana 

Kunci: C

Soal:7) OM SWASTYASTU. Matur suksma mantuk ring pangenter acara,antuk sanè kapaica ring tiang.Ida danè sami sanè wangiang titiang, tim juri sane pisinggihang titiang, taler para semeton pamilet utsawa dharma wecana sanè tresnesihin titiang. Ring galahè san becik puniki titian jagi matur samatra mamurda “Tatwaning Dana Punia” Sadurung nglantur,titiang ngaluhurang rasa angayu bagya majeng ring Ida Sanghyang Widi Wasa,mogi-mogi napi sane kaaptiang prasida labda karya. Ida dane sinamian, ring aab jagate sekadi mangkin, wantah jinah lan arta brana sane pinih mautama. Manut kamus Bali Kawi mateges paweweh madasar pikayunan bares. Duaning punika Dhana punia mateges aturan sanè suci malarapan daging manah lascarya. Indayang rereh lengkara pemahbah sanè wènten ring dharma wacana ring ajeng….

A: Tatwaning Dhana punia

B: Akèh wènten perampokan

C: Matur suksma ring pangenter acara

D: Om Cantih Cantih Cantih Om

E: Prasida labda karya

Kunci: C

Soal:8) OM SWASTYASTU. Matur suksma mantuk ring pangenter acara,antuk sanè kapaica ring tiang.Ida danè sami sane wangiang titiang, tim juri sane pisinggihang titiang, taler para semeton pamilet utsawa dharma wecana sanè tresnasihin titiang. Ring galahè sanè becik puniki titian jagi matur samatra mamurda “Tatwaning Dana Punia” Sadurung nglantur,titiang ngaluhurang rasa angayu bagya majeng ring Ida Sanghyang Widi Wasa,mogi-mogi napi sanè kaaptiang prasida labda karya. Ida dane sinamian, ring aab jagate sekadi mangkin, wantah jinah lan arta brana sane pinih mautama. Manut kamus Bali Kawi mateges paweweh madasar pikayunan bares. Duaning punika Dhana punia mateges aturan sane suci malarapan daging manah lascarya.  Napi ide pokok utawi tetuwek sanè wènten ring Dharma wacana baduur?

A: Indik dhana punia sanè madasar antuk manah sane suci

B: Indik dhana punia sanè saking jinah sane tan becik

C: Akèh wènten perampokan lan pemerkosaan

D: Money politic sakadi mangkin

E: Dana punia anggèn sumangdana polih jinah lebian

Kunci: A

Soal:9) Aksara Bali wènten wantah 18 aksara sanè kawastanin aksara ...

A: Wreastra

B: Modre

C: Swalalita

D: Suara

E: Lagna 

Kunci: E

Soal:10) Ring panganggè tengenan adeg-adeg kaanggè….

A: Gantungannyanè

B: Gempèlannyanè

C: Ngamatiang aksara

D: Nyuarayang

E: Ngidupang

Kunci: C

Soal:11) Panganggè tengenan inggih punika ...

A: Bisah, surang, cecek, adeg-adeg 

B: Ulu, pepet, taleng

C: Ha,na,ca,ra,ka

D: Pepet, nania, cecek

E: Nania, guung, surang

Kunci: A

Soal:12) Kruna wilangan kakepah dados ...

A: 2

B: 5

C: 6

D: 7

E: 4

Kunci: C

Soal:13) 35 wastanipun pesasur, 45 wastanipun setiman, 50 wastanipun seket. Puniki rumasuk kruna wilangan …

A: Ketèkan

B: Pahan 

C: Tan janten 

D: Pepastèn 

E: Gebogan

Kunci: E

Soal:14) Kruna wilangan sanè boya kasurat antuk angka, sakewanten kasurat nganggè aksara, kawastanin kruna wilangan ....

A: Ketèkan

B: Pahan 

C: Tan janten 

D: Pepastèn 

E: Gebogan

Kunci: B

Soal:15) Kruna wilangan akèh nyanè nènten janten utawi nènten keni antuk ngawilangin akèhnyanè,kawastanin kruna wilangan….

A: Ketèkan

B: Pahan 

C: Tan janten 

D: Pepastèn 

E: Gebogan

Kunci: C

Soal:16) Sisia: “ Ibu guru lakar kija ?” Ibu guru: “ Ibu jagi ka ruang perpustakaan “ Bebaosan sisia ring ajeng nènten manut ring sor singgih basa, kruna lakar yèning manut sor singgih basa kagentosin antuk ….

A: Nuju

B: Lantas

C: Kemu

D: Jagi

E: Margi 

Kunci: D

Soal:17) Ratu sampun… orti?

A: Ningeh

B: Miragi

C: Ngarsayang

D: Manggihin

E: Mireng

Kunci: E

Soal:18) Murid : Om Suastiastu, Guru : Om Suastiastu Budi, ada apa Budi ngalih Bapak?. Murid: Titiang jagi nunas izin,  benjang titiang nenten mrasidayang sareng ulangan duaning benjang titiang wènten upacara manusa yadnya utawi matatah, Pak. Kanggèang wusan punika titiang nyusul ulangan, ampura Pak. Guru: Oh, nah sing kenapa Budi, rahajeng nggih dumogi labda karya. Murid: Suksma Bapak, yèning kènten titiang lakar mulih. Guru: Inggih, alon-alon. Manut ring anggah ungguhing basa, bebaosan ring ajeng wirasan basa ipun….

A:Basa Alus lan Andap

B: Basa Alus lan Kasar

C: Basa Kasar lan Andap

D: Basa Kasar lan Alus

E: Basa Alus an Basa Sor

Kunci: A

Soal:19) Kata ulang berubah bunyi ring bahasa Indonesia, kawastanin kruna...

A: Kruna dwi maya lingga

B: Kruna dwi samatra lingga

C: Kruna dwi sama lingga

D: Kruna dwi purwa lingga

E: Kruna dwi wesana lingga

Kunci: B

Soal:20) Kruna-kruna sané kecapé ring arep kakapingkalihang saha masuara e pepet, kawastanin kruna......

A: Kruna dwi maya lingga

B: Kruna dwi samatra lingga

C: Kruna dwi sama lingga

D: Kruna dwi purwa lingga

E: Kruna dwi wesana lingga

Kunci: D

Soal:21) Truna truninè sampun mapupul ring bale banjarè,jagi ngelaksanayang paruman ring acara wanti warsa anyar. Truna truni rumasuk kruna…..

A: Dwi sama lingga

B: Dwi maya lingga

C: Satma papadan

D: Satma tan papadan 

E: Tiron

Kunci: C

Soal:22) Rahinan pagerwesi mèmè tiangè biu susu di pekenè. Biu susu rumasuk kruna…..

A: Dwi sama lingga

B: Dwi maya lingga

C: Satma papadan

D: Satma tan papadan 

E: Tiron

Kunci: D

Soal:23) Piranti baos marupa tulisan tur katuju majeng ring angga sanè kaarsa utawi majeng ring perkantoran / lembaga sanè lianan, kawastanin .....

A: Surat resmioal

B: Surat niaga

C: Surat kantor

D: Surat dinas

E: Swalapatra 

Kunci: E

Soal:24) Surat sanè dagingnyane mapaiketan ring indik kedinasan, resmi (saking pemerintahan), kawastanin ...

A: Surat resmi

B: Surat niaga

C: Surat kantor

D: Surat pribadi 

E: Swalapatra 

Kunci: A

Soal:25) Eda ngadén awak bisa, Depang anaké ngadanin, Geginané buka nyampat, Anak sai tumbuh luu, Ilang luu ebuk katah, Yadin ririh, Enu liu pelajahan. Pupuh sanè kawedarang ring ajeng, mawasta pupuh....

A: Ginanti

B: Ginada

C: Pucung

D: Sinom

E: Maskumambang

Kunci: B

Soal:26) Maskumambang, Kumambang anggon ngastuti, Ring bukpadan ida, Ida Sang Hyang Yogi Swari, Mapinunas, Kerahayuan. Karya sastra ring ajeng, rumasuk kasusastraan....

A:Bali purwa

B: Bali anyar

C: Bali melah

D: Bali lumrah

E: Bali Aga

Kunci: A

Soal:27) Dabdabang dewa dabdabang,mumpung dewa kari alit, malajah ningkahang awak, darma patute gugonin, eda pati iri hati, duleg kaping anak lacur, eda bonggan kapin awak, laguté kaucap ririh, eda nden sumbung, manggunggulang awak bisa. Akéh  pada lingsa ring lengkara darma patut gugonin, inggih punika .....

A: 8o

B: 8i

C: 8e

D: 6u

E: 7i

Kunci: A

Soal:28) Sawatara galah kutus wengi Luh Sunari rauh kaanter antuk Wayan Duria negak malu Yan !" Men Sunari nyapa Wayan Duria. Sampunang ja Me, tiang ajebos kemaon, tiang mapamit. Wayan raris makaon, Men Sunari manggutan. Sesampuné magentos panganggo Luh Sunari ngojog kamar makan. Usan madaar  laut ipun sareng negak disamping méménnyané. Tegarang matiang malu radione! Pan Sunari mapajar ring kurenannyane, tumuli ngucek tumperan sané kaslepit tur kaentungang. Men Sunari mademang radio. Luh Sunari tangeh ring semun reramanipun, Pramangkin nguntul sambilanga ngurik kuku. Napi wirasa cerita ring ajeng....

A: Sungsut  

B: Liang  

C: Maselselan

D: Brahmantia

E: Tan rungu

Kunci: C

Soal:29) Dugas dados sisia ring SMA tiang seneng nyarengin organisasi siswa intra sekolah (OSIS) sané wénten ring sekolah lan warsa puniki pinaka galah sisia anyar nyarengin Masa Orientasi Siswa (MOS) tiang dados panitia punika. Matan ai sampun medal nyiriang semenganné sampun rauh, makesiab tiang ningalin galah sampun jam 06.30 ngenggalang tiang nuju sekolah, sagèt tiang ningalin muani sané nénten tiang uning wastan nyané. Desiran anginné nyinahang ada rasa sané len, sané tiang rasayang nanging tiang ten uning rasané punika. Sisia anyar sampun kumpul ring arep wantilan sedek ento malih tiang ningalin muani sané tiang cingakin wau, muani ento panyingakanné paling lantas  nénten makeneh  tiang maekin muaniné ento. Punggelan satua cutet ring baduur madaging tema….

A: Pendidikan  

B: Agama

C: Tresna

D: Budaya

E: Sosial

Kunci: C

Soal:30) Bisma :Sujatinè tiang sampun mawayang gadang sareng I Luh Winda, nanging raganè sampun maduè gegèlan sanè sugihan. Pak Juni: nggih sampunang sangetange nika, nak luh mula kenten. Kari akèh bintang di langitè bisma. Babaosan ring ajeng madaging basita paribasa, basita paribasa punika ngaranjing ka….

A: Wewangsalan

B: Bladbadan

C: Cecimpedan

D: Raos ngempelin

E: Sipta

Kunci: B

Soal:31) Bisma :Sujatinè tiang sampun mawayang gadang sareng I Luh Winda, nanging raganè sampun maduè gegèlan sanè sugihan. Pak Juni: nggih sampunang sangetange nika, nak luh mula kenten Napi teges basita paribasa mawayang gadang sanè wènten ring dialog baduur?

A: Demen

B: Iseng

C: Tresna

D: Rindu

E: Sayang

Kunci: C

Soal:32) Ida ratu saking luhur, Kaula nunas lugrane, Mangda sampun titang tandruh, Mangayat bhatara mangkin, Titiang ngaturang pajati, Canang suci muwang daksina, Sarwa sampun puput, Pratingkahing saji. Manut ring kidung punika, irage sepatutne

A: Setate ngaturang bakti ring Ida Sanghyang Widi Wasa

B: Nenten patut ngaturang bakti

C: Ngaturang bakti antuk busane sane ten patut

D: Setata uyut yening ngaturang bakti

E: Yening rahina purnama ten patut ngaturang bakti

Kunci: A

Soal:33) Mé... ampurayang tiang mé... basang tiange suba misi, belog mula tiang ten nuutin pitutur memene ”.  Manut kadi punggelan cerpen sane mamurda Luh Manik punika, nyihnayang karakter tokoh sanè...

A: Jemet

B: Bengkung 

C: Maparilaksana 

D: Dueg 

E: Sayang sareng mèmè

Kunci: B

Soal:34) Ida Sang Prabu akedik nénten ajerih, yadiastun kawastonin sapunika. Raris Ida nitah panjaké maka sami pakarya yadnya wiwaha. Gelising crita, ri sampuné ida wusan natab pawiwahan, tan pasangkan wénten cihna sané kaon, tedun sabeh maduluran krébék kuug pamuput metu blabar ageng raris nganyudang purinida, tur akéh panjaké ngemasin urip. Santukan puriné telas anyudang blabar, raris ida nuju jagat Balingkang. Irika Ida nangun puri tur nabdabang panjak. Pangater sané patut kaanggén ngentosin kruna sané macetak sendeh ring ajeng inggih punika….

A: ma-in 

B: pa-an

C: –in

D: Ma

E: Ka 

Kunci: D

Soal:35) Sasampunè jangkep polih ratu satus diri, irika raris sang purusada wau ngaturang punagi punika ring Ida Bhatara Kala. Ida Bhatara Kala nenten nerima punagi punika saantukan nenten madaging prabhu astina ida sang sutasoma.  Sasuratan huruf kapital sanè patut ring kruna sanè macetak sendeh inggih punika….  

A: sang Purusada, Prabhu Astina ida sang Sutasoma

B: Sang purusada, prabhu Astina Ida Sang sutasoma

C: Sang Purusada, Prabhu Astina ida Sang Sutasoma

D: sang Purusada, prabhu Astina Ida sang Sutasoma

E: Sang Purusada, Prabhu Astina Ida Sang Sutasoma

Kunci: C

Soal:36) Bapa ané malu maan mabalih yadnya sarpa ane kalaksanayang olih Raja Janamejaya, nanging yadnyane ento tusing mapikolih duaning tan sida mati I naga Taksaka. Satua punika mawit saking Astadasa Parwa, parwa ka 1, inggih punika ….

A: Saba Parwa

B: Wana Parwa

C: Wirata Parwa

D: Adi Parwa

E: Drona Parwa

Kunci: D

Soal:37) Inggih suksma aturang titiang majeng ring pangenter acara, Bapak perbekel sané singgihang titiang, para manggala dinas miwah adat sané wangiang titiang, Ida dané prajuru miwah para angga sekaa truna-truni “ Galang Apadang “ sane asihin titiang, Om Swastyastu. Pinih riin lugrayang titiang ngaturang pangayubagia majeng ring Ida Sang Hyang Widhi Wasa sangkaning pasuecan Ida mapaica karahayuan lan karahajengan mawinan prasida ngamiletin acara wanti warsa sekaa truna-truni duene wengine puniki. Bebaosan ring ajeng kaangge ritatkala acara …. 

A: Acara wanti warsa sekaa truna-truni ring desa

B: Acara perpisahan siswa ring sekolah

C: Acara pelantikan perbekel ring desa

D: Acara pasangkepan ngwangun bale banjar

E: Acara pelantikan parisada ring desa

Kunci: A

Soal:38) Indayang gentosin wacana utawi lengkara sané macetak sondoh mangda manut ring ejaan Bali latin sané patut! Sarwa paksi peceruwet metinggah di carang kayuné, ngesil ngalih tongos masayuban. Kerug krébéké ngesiabang bayu. Sagét makeblés Luh Sariadi masaput-saput uli jumah metén, paninggalané kidem-kidem, pajalané banban cara injun.

A: Pacruwét matinggah

B: Pecruwet matingkah

C: Pacruwet metingkah

D: Pecruwet metingkah

E: Pacruwétmetingkah

Kunci: A

Soal:39) Sawur ira tan apanjang, singgih sabda muniwara, hulun, ateki katalian dening bakti lawan asih I Twalen  : Nah ratu-ratu pidaging mamitang lugra titiang parekane tua, sadurung titiang matur aksi sembah pangebaktin titiang mangdane nenten keni susud upedrawa  (nyembah), Kresna: Mulih sembah ta ri Hyang Hyang Sinembah, Twalen: Inggih ring paban titiang linggihang titiang paswecan i ratu, napi mahawinan medal sekadi semeng durusang i ratu mawecana. Arjuna:  Ri wawu mangkana saturan Caraka Twalen, sira Danan Jaya umojar caye...doh.  singgih Kaka Nata Kesawa ksama akna ranten inganika wani umatura. Merdah : Arah..ah..ah ratu sugra titiang ngojah atur Ida I Ari, inggih nawegang titiang beli, purun titiang matur ring anggan beli. Piteket napi sanè kapanggihin ring punggelan dramanè punika…

A: Dados bawahan utawi parekan patut uning ring kawentenan atasan

B: Dados bawahan utawi parekan patut uning tata krama matur

C: Dados atasan tan dados bes paak sareng parekan

D: Dados atasan patut rungu ring parekan

E: Dados bawahan wantah ka gajih olih atasan

Kunci: B

Soal:40) Cecek, surang, bisah, lan adeg-adeg kawastanin panganggé.......

A: Aksara

B: Ardhasuara

C: Suara

D: Wianjana

E: Tengenan

Kunci: E